那夜凌晨，他們坐上了美國飛往香港的「逃亡」客機
🇺🇸🛫☁️🛬 🇭🇰
一去到登機閘口唔知點解覺得自己好老，因為成個閘口都係一個又一個留學生(我嘅青春已成過去式😭)，正常咁多年青人應該好嘈先啱，不過唔知點解靜到有小小令人不安，除左偶爾聽到嗰個「微Ｘ」嘅提示音同幾句國語嘅對話。
好記得一上客嗰下其實都安心，因為每一個人上黎都有戴口罩，有人戴閘口派嘅外科口罩，有人戴KF94有人戴N95，有人戴眼罩 有人戴豬嘴，有啲人保護做得仲全面，著雨褸 著生化保護衣，有人買唔到呢啲裝備就拎垃圾膠袋加膠紙包實自己，嗰一刻望下自己得「眼罩口罩加手套」，只能說我輸了 🤦🏻♂️
😷 🥽 🧤👨🏻🔬🧑🏻🔬👩🏻🔬
不過最令我深刻印象嘅一定係嗰幾個香港學生哥，喺我閂哂行李櫃忙完一輪經過佢地個排
學生哥「我覺得你地做CabinCrew好辛苦，喺呢個時勢仲要返工，都唔知會載到啲咩人，又好似唔係好夠裝備，都係打份工姐，我見你一個人閂哂所有行李櫃，辛苦哂你啊」
本身已經比個口罩加眼罩焗到標眼水嘅我，聽到呢番說話真係好感動，有小小眼濕濕 😢
或者大部分人都 唔飲 唔食 唔去廁所，十幾個鐘好漫長嘅機程好快就返到香港，落客嗰下我覺得自己個身同飛機地下嘅地毯一樣充滿住細菌，對眼焗到好痕但又唔捽得喎🙄🙄🙄
不過呢班機破左我嘅紀錄，飛左幾年第一次冇人食杯面，仲係第一次每一個行過嘅客都同我地講「辛苦了」「射射」「腥橋」
而嗰個香港學生哥落機同我地講
「辛苦哂你地帶我地返屋企呀，呢十幾個鐘好似逃亡走難咁樣，都係返到屋企最好，大家要Take Care呀」
回家真好，乜得宜家啲小朋友咁識講野，講野咁有洋蔥架，係咪想逼叔叔喊先？
但係咀賤嘅豆腐叔叔都係要溫馨提示下佢地
「你地都辛苦啦，返黎要隔離十四日，十四日好快過架咋，千祈唔好把持唔住出街食車仔麵同炸豬扒呀」
😏😏😏😏😏
喺道好想向所有醫護同埋做服務行業仲要返工嘅前線講句「辛苦晒」👨🏻⚕️🧑🏻⚕️👩🏻⚕️
LET’S STAY HOME!!!
飛完呢趟之後，都唔知幾時先有工開，
求消磨時間方法，成個四月冇工開
Search